Les Consultes di studënc á presenté incö le proiet „Eduval“
Les Consultes di studënc taliana y todëscia, adöm ala Consulta di geniturs, á presenté incö, mercui ai 22 de aurí te na conferënza stampa le proiet „Eduval“, n chestionar por la valutaziun di professurs y maestri da pert de sü studënc.
I rapresentanc dles Consultes di studënc taliana y todëscia, Jacopo Dezulian y Matthias von Wenzl, adöm al presidënt dla Consulta di geniturs Kurt Rosanelli, á presenté incö, mercui ai 22 de aurí tl Palaz Widmann de Balsan, la scomenciadia „Eduval“. L’obietif dl proiet é chël da „svilupé inant y ajorné les metodes d’insegnamënt, cun n stromënt che pormënt l’analisa de problematiches por podëi valorisé daldô le potenzial dla formaziun tl Südtirol“, insciö i dui presidënc dles Consultes.
Le proiet reverda n chestionar cun chël che le personal didatich podess gní valuté volontariamënter da sü studënc. I scolars y les scolares ess insciö la poscibilité da ti dé na valutaziun ales ores de scora di professurs y maestri y de sües metodes d’insegnamënt. Plü informaziuns sön le proiet pon ciafé sön la plata: http://www.provinz.bz.it/mitbestimmung/zum-herunterladen.asp.
rc
