L’Orchestra sinfonica di Jogn dl Südtirol chir musizisć nüs
L’Orchestra sinfonica di jogn dl Südtirol (Jugendsinfonieorchester) chir mëmbri nüs: deache na pert di musizisć atuai ne podará nia plü fá pert dl’orchestra vëgnel chirí jogn y jones dai 14 ai 24 agn. Les domandes por stieres da sonadú por düc i stromënc d’orchestra pó gní dades jö cina ai 26 de má. La seleziun gnará fata tres n’aldiziun ai 14 de jügn a Balsan.
I candidac y les candidades pó mené sües domandes al setur „Scores de musiga ladines y todësces“ (Strada museum 54, Balsan, Fax 0471 973505). Le formular da dé jö pó gní desciarié dala plata internet dles scores de musiga (www.musikschule.it). Do l’iscriziun ti gnarál mené fora ai candidac l’invit da se presenté a n’aldiziun che gnará tignida en domënia ai 14 de jügn tla scora de musiga de Balsan (plaza Gries 16B).
L’Orchestra sinfonica di Jogn dl Südtirol é metüda adöm da 75 jogn musizisć d’orchestra de düc trëi i grups linguistics (ladin, todësch y talian) sot ala direziun artistica de Stephen Lloyd. Le proiet vëgn sostigní y organisé dal setur dles Scores de musiga ladines y todësces, dal setur Formaziun musicala tl lingaz talian, dales Intendënzes ladina, todëscia y taliana, dal Conservatore „Claudio Monteverdi“ y dal’Université Lëdia da Balsan.
Por plü informaziuns: setur Scores de musiga ladines y todësces (strada Museum 54, Balsan, Fax 0471 973505, Tel.: 0471 972156)
www.musikschule.it/
rc
