InfoMobilité: Baraté i montli da d’invern
„InfoMobilité“, n sorvisc dl Departimënt Mobilité dla Provinzia, informëia sön i caji te chi che al é d’oblianza da mudé i montli da d’invern che á n indesc de velozité plü bas co chël dé dant sön la cherta de zircolaziun dl auto/veicul.
La comunicaziun „InfoMobilité“ dl Departimënt Mobilité dla Provinzia informëia che dai 15 de ma dl 2015 ne pol nia plü ester en zircolaziun veicui che á montli da d’invern cun n indesc de velozité plü bas co chël preodü dala cherta de zircolaziun dl auto/veicul.
La profondité minima dl profil di montli é preodüda aladô dla lege y é de 1,6 milimetri por i auti y i remorc, 1 n militer por motors y de 0,5 milimetri por de pici motors. Düc i autisć che roda ciamó cun montli da d’invern che ne corespogn nia al indesc de velozité preodü dala cherta de zircolaziun dl auto/veicul vëgn damaná da mudé i montli.
Por plü informaziun tecniches sön l’oblianza da mudé i montli da d’invern prëibel contaté diretamënter l’Ofize Motorisaziun dla Provinzia cun la sënta tl Palaz 3b, plaza Silvius Magnago, Balsan, Tel.; 0471 41 54 50, e-mail: motorizzazione@provincia.bz.it.
Cun la noela „InfoMobilité“ él le Departimënt dla Mobilité che mëna fora te intervals regolars notizies interessantes y d’ütl por i zitadins y les zitadines sön tematiches che reverda la mobilité.
rc
