Autonomia, Kompatscher a Roma cun i presidënc dles atres autonomies
I suranstanc de dötes les Regiuns y Provinzies „nia ordinaries“ s’incuntará indoman (18 de jügn) a Roma cun i funzionars dla Presidënza dl Consëi di Ministri por rajoné dla reforma costituzionala. Por le Südtirol sarál presënt le presidënt Arno Kompatscher.
La reforma dla Costituziun portada inant dal govern Renzi reverda ince les autonomies speziales, che tl dagní dess ciafé na cornisc iuridica y istituzionala nöia. Propi chësta chestiun sará tl zënter dl’incuntada da indoman domisde (18 de jügn) tla sënta dla Presidënza dl Consëi di Ministri a Roma. Tratan l’incuntada, a chëra che al tolará pert düc i presidënc dles Regiuns y Provinzies cun n statut spezial, danter l’ater ince le presidënt Kompatscher, gnarál rajoné di tëmps, dles metodes y prozedöres da adoré por mët en pratica la reforma.rc
