Conferënza stampa: zertificaziun chirurgia oncologica (3 de lugio)
Por i ospedai dl Südtirol é l’obietif prinzipal dla zertificaziun oncologica da mioré le tratamënt sanitar di amará oncologics – chësta tematica sará tl zënter de na conferënza stampa en vëndres ai 3 de lugio tla curt interna dl Palaz Widmann a Balsan.
La zertificaziun ISO-Standard 9001 dla chirurgia oncologica dl’Aziënda sanitara dl Südtirol é n vare inant important dl proiet scomencé dala Junta provinziala dal 2013 inant. Tratan n’incuntada de informaziun gnará i aconsiadus provinziai, i suranstanc dl’Aziënda sanitara, i rapresentanc dles organisaziuns soziales y di sindacac competënc, sciöche ince dles organisaziuns di paziënc y di doturs, dla sozieté südtiroleja de medejina general (SÜGAM) y dl’academia südtiroleja de medejina general (SAKAM) informá sön la situaziun atuala dl proiet. Do l’incuntada gnarál tigní na conferënza stampa
en vëndres, ai 3 de lugio
dales 10.00
tla curt interna dl palaz Widmann
plaza Silvius Magnago 1a
a Balsan.
Al tolará pert ala conferënza stampa danter l’ater l’assessuria por la sanité Martha Stocker, i coordinadus Oswald Mayr y Luca Armanaschi, l’esperta dl setur dla zertificaziun oncologica Simone Wesselmann, le presidënt dl’uniun por le scombatimënt cuntra i tumors Paolo Coser y la presidënta dla Südtiroler Krebshilfe Ida Bauer Schacher.
rc
