Program da d’isté por mituns tl Museum Ladin - Co se scrí ite
Döes é les scomenciadies culturales por mituns sön le program dl Museum Ladin tratan l’isté: da öna na pert vëgnel organisé vigni mercui le domisdé "Sön les pedies dla laurs preistorica" dal Museum Ladin "Ursus Ladinicus" a San Ćiascian, dal'atra pert organisëia le Museum Ladin "Ćiastel de Tor" le danmisdé “Le museum por mituns” vigni jöbia de messé y agost. La prenotaziun é nezesciara.
„Sön les pedies dla laurs preistorica“ é le program de aurela cörta y de devertimënt por mituns y jogn dai 5 ai 12 agn metü da jí dal Museum Ladin Ursus Ladinicus a San Ciascian, olache i mituns podará descurí les carateristiches dla laurs preistorica, se basan ince sön les scovertes fates tla caverna de Conturines. I partezipanc ará l’ocajiun da vijité le museums dl Ursus ladinicus y da ti ciaré a proieziuns sön temesc che reverda le percurs tematich, cun ativités de aurela cörta siöche le „facepainting“.
La scomenciadia, organisada adöm ales assoziaziuns turistiches dl’Alta Badia gnará tignida vigni mercui al 1 de messe cina ai 2 de setëmber (cun na locia ai 22 de messe y ai 19 d’agost) dales 16.45 cina les 19.00 tl Museum Ladin Ursus Ladinicus a San Ćiascian. L’iscriziun é nezesciara y vëgn tuta sö dal Ofize Turistich da S. Ćiascian (T. 0471 84 94 22). Le prisc é de 5 euro por vigni partezipant.
Implü vëgnel metü a jí sciöche secunda scomenciadia le danmisde “Le museum por mituns” aposta por mituns dai 5 ai 10 agn. Al gnará fat laurs manuai creatifs, jüć, dessëgns y aorela cörta, descurion sciöche i mituns se devertî plüdadî . Implü se cruziará di mituns personal cualifiché che ti mostrará ince les tematiches dl Museum y fajará de plü ativités creatives y d’aurela cörta. I termins é vigni jöbia de messé y agost tres dales 10.30 ales 12 tl Museum Ladin Ćiastel de Tor a San Martin. L'iscriziun é nezesciara y vëgn tuta sö dal Museum Ladin (T. 0474 52 40 20). Le prisc é de 5 euro por vigni partezipant.
rc
