Raporc dla Signoria dl Tirol cun i Comuns: presentaziun dl liber ai 08/07
En mercui ai 8 de lugio presentëia l’Archif provinzial da Balsan y la ciasa edituria "Universitätsverlag Wagner" na publicaziun nöia dla seria „Publicaziuns dl Archif provinzial da Balsan“: al se trata de n liber de Christian Hagen sön i raporc danter la Signoria tiroleja cun i Comuns dl tëmp medieval ti raiuns de Balsan, Maran y Sterzing.
La publicaziun nöia "Fürstliche Herrschaft und kommunale Teilhabe. Die Städte der Grafschaft Tirol im Spätmittelalter" analisëia i prozesc de urbanisaziun de n valgügn zëntri dl Vedl Tirol sciöche ince la relaziun danter la signoria tiroleja i comuns tl tëmp medieval dal ann 1000 inant. La monografia é basada sön n laur de dotorat y stüdia les dinamiches por la perioda de tëmp che va dal XIII al XV secul, analisan i caji de Balsan, Glurns, Hall, Desproch, Sterzing y Maran. L'analisa á ince porté a interpretaziuns nöies che reverda n valgönes situraziuns storiches dl Tirol. Le termin por la presentaziun dl liber é
en mercui ai 8 de lugio
dales 18.00
tla sënta dla Repartiziun provinziala di Bëgns culturai
Palaz Rottenbuch
Strada Armando Diaz 8
a Balsan.
L’introduziun sará de Gustav Pfeifer, vizediretur dl Archif provinzial da Balsan, la presentaziun dl liber sará de Erika Kustatscher y dl autur instëss Christian Hagen.
rc
