Fecondaziun artifiziala: conferënza stampa sön les diretives ai 31 de messé
L’assessuria provinziala por la sanité Martha Stocker presentará, tl cheder de na conferënza stampa en vëndres, ai 31 de messé a Balsan, les diretives nöies por ci che reverda la fecondaziun artifiziala acompagnada da personal sanitar, che sará poscibla tl dagní ince tl Südtirol.
Cun la sentënza 162/2014 á la Curt costituzionala detlaré ilegitima la proibiziun dla fecondaziun artifiziala tres la donaziun de sperma o zelules dl ü da pert de terzi. De conseguënza á la Junta provinziala stabilí te süa sentada edemala da inier (28/07) diretives nöies por la fecondaziun artifiziala acompagnada da personal sanitar. Tl ospedal da Bornech sarál insciö tl dagní poscibl da efetué na fecondaziun artifiziala tres donaziuns da pert de terzi.
I criters d’azes ala fecondaziun artifiziala, l’informaziun por pers interessá, la proteziun dl embriun y les diretives nöies sará les tematiches zentrales de na conferënza stampa dl’assessuria por la sanité Martha Stocker che gnará tignida
en vëndres, ai 31 de messé dl 2015
dales 10.00
tl salf stampa de Palaz Widamm
plaza Silvius Magnago 1
a Balsan.
Ala conferënza stampa tolarál ince pert le primar dl repart de ginecologia dl ospedal da Bornech, Bruno Engl.
rc
