Martl y telecomunicaziuns: le secreter de Stat Giacomelli a Balsan
Le secreter de Stat por le svilup economich Antonello Giacomelli sará a Balsan indoman (04/08) por presenté le martl nü dediché ales Dolomites. Cun le presidënt dla Provinzia Arno Kompatscher gnarál ince baié dla convenziun nöia danter Stat y Provinzia sön le finanziamënt di programs dla Rai por ladin y todësch. Dales 10 sarál na conferënza stampa cun i jornalisć tl salf stampa dl Palaz Widmann.
Le martl nü dla seria „Le patrimone dla natöra y dla contrada“ (Il patrimonio naturale e paesaggistico) é dediché ales Dolomites cun na rapresentaziun dl Grup dles Odles svilupada da na fotografia de Georg Tappeiner. Por l’ocajiun dla presentaziun dl martl sarál a Balsan le secreter de Stat Antonello Giacomelli.
Tratan l’incuntada cun le presidënt Arno Kompatscher tl Palaz Widmann nen jarára ince dla reforma dla RAI, dla convenziun danter la Presidënza dl Consëi di Ministri, la Provinzia de Balsan y la Rai sön le finanziamënt di programs radio y dla televijiun por todësch y ladin, y dla colaboraziun tecnica danter la RAI y l’Aziënda provinziala dla RAS.
Do l’incuntada tignará le secretar de Stat Giacomelli y le presidënt Kompatscher na conferënza stampa
endoman, mertesc ai 4 d’agost
dales 10.00
tl salf stampa dla Provinzia
Palaz Widmann,
plaza Silvius Magnago 1.
Daldô fajará Giacomelli na vijita ala sënta dla RAS, olache i suranstanc dl’Aziënda ti mostrará les ultimes novités sön i implanc y i sistems HD y DAB+.
rc
