Pidrô: Stlüta jö la dortoraziun dla strada provinziala direziun La Val
I laurs de dortorada dla strada provinziala SP 60 che porta da Pidrô cuntra de La Val é gnüs stlüc jö da püch. L’intervënt jô debojëgn por aumenté la segurëza stradala de autisć y peduns y por amplié la visibilité.
Na strada ressanada cun n marciapisc plü ampl é le resultat di laurs de dortoraziun dla Repartiziun Infrastrotöres dla Provinzia. La strada provinziala SP 60 che porta dal paisc de Pidrô cuntra da La Val (dal chilomter 0,00 al chilometer 0,422, 400 metri) jô debojëgn da gní slariada fora y integrada cun n marciapisc por aumenté la segurëza di autisć y di peduns.
Sön domanda spezifica dl’aministraziun comunala da La Val é le marciapisc gnü realisé sön la pert a munt dla strada cun n livel dl marciapisc plü alt co le livel dla strada nöia. Adöm cun i laurs de costruziun dl marciapisc él ince gnü realisé, en acordanza cun l’Aziënda por la forza eletrica de La Val, les linies de coliamënc dla fira otica, dla tenjiun eletrica bassa y alta. Lapró él ince gnü realisé n coliamënt cun na stiga che porta dal marciapisc al tru che vá inant cina tl zënter dl paisc de Pidrô. Le punt da denant é gnü remplazé cun n punt nü plü ampl. Tratan le mëis de setëmber gnarál ciamó stlüt jö n valgügn laurs de sistemaziun dla strada.
I laurs é gnüs fac dal’impresa "Ploner s.r.l", dl coordinamënt s’á fistidié l’Ofize tecnich Strades nord-est dla Provinzia sot ala direziun dl injenier Gustav Mischí. Le responsabl dla realisaziun é sté l’injenier Giuseppe Palumbo, le diretur di laurs y responsabl dla segurëza é sté l’injenier Mario Valdemarin.
rc
Galaria dales fotografies
