Festa por i maturanc plü lezitënc ai 05 de setëmber a Balsan
En ocajiun dl Dé dl’Autonomia vëgnel premié dal presidënt dla Provinzia Arno Kompatscher y dai assessurs por la scora Florian Mussner, Christian Tommasini y Philipp Achammer dötes les maturantes y por düc i maturanc che á fat l’ejam de maduranza tl 2015 y arjunt le majer numer de punc. La premiaziun vëgn a se le dé sön la plaza Silvius Magnago en sabeda ai 05/09 dales 17.00.
Por sotligné la contlujiun otimala dla scora alta da pert dles maturantes y di maturanc che á fat l’ejam final cun le majer numer di punc vëgnel metü da jí ai 05 de setëmber na festa de premiaziun che ti fej da cornisc al De dles portes davertes organisé dala Provinzia. Le presidënt dla Provinzia Arno Kompatscher ti fajará les congratulaziuns ai studënc y ales studëntes adöm ai assessurs por la scora Florian Mussner, Christian Tommasini y Philipp Achammer. Ala manifestaziun sarál ince presënc i suranstanc dles Intendënzes Roland Verra, Nicoletta Minnei y Peter Höllrigl.
La festa de premiaziun gnará tignida
sabeda, ai 5 de setëmber dl 2015
dales 17:00
dlungia la Plaza Silvius Magnago
a Balsan.
Düc i rapresentanc di media é dër bel inviá a tó pert ala premiaziun.
Plü informaziuns sön le De dl'Autonomia pon ciafé sot a: http://www.provinzia.bz.it/de-autonomia/.
rc
