De dla Cultura Ladina 2015: Liberté de stampa y dërt d’informaziun (24/09)
Le Departimënt Educaziun y Cultura Ladina dla Provinzia de Balsan inviëia düc i interessá al De dla Cultura Ladina olache an baiará de „Liberté de stampa: dërt d’informaziun y responsabilité di media“. Le convëgn gnará tigní, en presënza dl assessur Florian Mussner y de tröc esperc dl monn di media, en jöbia ai 24 de setëmber dales 09.00 inant tl Palaz Widmann a Balsan.
La responsabilité di media y le dërt d’informaziun sará i argomënc zentrai dla manifestaziun dl De dla Cultura Ladina, che vëgn metü a jí vigni ann dal Departimënt Educaziun y Cultura Ladina dla Provinzia de Balsan. Do les parores de salüt da pert dl assessur por la scora y cultura ladina Florian Mussner y dl diretur dla Repartiziun Cultura y Intendënza ladina Alexander Prinoth gnarál tigní dal jornalist Lorenz Gallmetzer y dala iurista Kolis Summerer, dui referac dal titul „Pressefreiheit, investigativer Journalismus und journalistiche Verantwortung im digitalen Zeitalter“ y „Libertà di manifestazione del pensiero e tutela della persona: problemi e prospettive nel diritto penale“. Le convëgn jará spo inant cun na mësa torona moderada da Diego Clara, a chëra che al tolará pert l’assessur ladin Florian Mussner, le caporedadú dla Rai Ladinia Erwin Frenes, le caporedadú dla Usc di Ladins Iaco Rigo y l’esperta dla BLS Alexia Demez. Le De dla Cultura Ladina gnará tigní
en jöbia, ai 24 de setëmber dl 2015
dales 09.00 inant
tla alzada a tera dl Palais Widmann
plaza Silvius Magnago
a Balsan.
Dötes les porsones interessades é dër bel inviades da tó pert ala manifestaziun.
rc
