30 de setëmber: l’ASTAT presentëia le barometer linguistich dl Südtirol
L’adoranza di lingac y l’identité linguistica tl Südtirol é tl zënter dl Barometer linguistich che l’Istitut provinzial de statistica dl ASTAT presentará en mercui 30 de setëmber a Balsan. L’assessuria provinziala Waltraud Deeg dauriará la manifestaziun.
„Barometer linguistich dl Südtirol 2014“ é le titul dl’inrescida ASTAT che analisëia la situaziun dl identité linguistica y dl’adoranza di lingac te Südtirol. Tratan la presentaziun dl stüde gnarál presenté i dac prinzipai che reverda aspec desvalies dla tematica, danter chisc ince les conescënzes linguistiches atuales, l’adoranza di lingac tla vita da vigni de, l’ejame de tri- y bilinguism y la cultura.
La presentaziun dl barometer linguistich dl Südtirol é planificada por
en mercui ai 30 de setëmber
dales 09.00 inant
tl Auditorium dl Palaz provinzial 12
tla strada via Gamper a Balsan.
Do la daurida dl convëgn da pert dl’assessuria provinziala Waltraud Deeg gnarál a se le dé de plü referac da pert de esperc y reladus. Le program dla manifestaziun é gnü injunté.
rc
