De di museums dl vedl Tirol 2015: Museums y pêsc
Tröc ascutadus, reladus dër cualificá y na seria de idees nöies - le bilanz dl convëgn en ocajiun dl De di museums dl vedl Tirol é positif. La manifestaziun vëgn metüda a jí vigni ann dales Repartiziuns Museums dl Tirol, Südtirol y Trentin adöm al’Euregio. Chësc iade é le de gnü organisé a Ciastel Tirol por inrescí ci che i mueums pó fá por la pêsc tla sozieté.
Söporjö 170 colaboradus di museums, di posć d’esposiziun y de atres istituziuns culturales á tut pert al „De di museums dl vedl Tirol“ 2015 organisé chësc ann a Ciastel Tirol (danmisde) y tles vijinanzes de Maran (domisde). Chëra da inann é oramai la sesta ediziun che vëgn metüda a jí da pert dles Repartiziuns Museums dl Tirol, Südtirol y Trentin en colaboraziun cun l’Euregio. La manifestaziun é ponsada dantadöt por esperc dl setur por aprofondí tematiches spezifiches dl laur museal y por cherié y mantigní na rëi de contac.
Tl contest dla manifestaziun da inann él gnü ponü tl zënter la chestiun sön co che i museums pó, tres sües mostres, la trascmisciun dl savëi y cun le laur d’inrescida, dé n contribut ala creaziun dla pêsc tla sozieté. A chësta tematica y ince a chëra dla Pröma Vera Mondiala ti él gnü dediché tröpes mostres y scomenciadies te döt le raiun dl’Euregio. Insciö él gnü tigní de plü referac incö danmisde a Ciastel Tirol che á metü tl zënter l’analisa dl’identificaziun dles dinamiches dl conflit, dles raisc storiches y dla museologia.
Le De di museums dl vedl Tirol 2015 é gnü inauguré dal assessur por i museums y la cultura ladina Florian Mussner, dal diretur dla Fondaziun Museum storich dl Trentin Giuseppe Ferrandi y dal diretur dla Repartiziun cultura dl Tirol Benedikt Erhart. L’assessur Mussner á sotligné te süa relaziun l’importanza de na rëi culturala sura i confins fora. „Al é important da costruí n coliamënt por confronté les esperiënzes y por tó demez confins che tla realté ne esist nia plü“, insciö l’assessur Mussner. Daldô á Friedrisch Glasl, espert internazional dl setur, splighé sciöche les situaziuns de conflit crësc, mo ince sciöche ares pó gní smendrides, dantadöt cun scomenciadies da pert dla sozieté zivila acompagnada profescionalmënter da mediadus. „Bele i jogn messass imparé deplü sön la gestiun de conflic, deache chësta competënza é fondamentala por podëi ciafé soluziuns a problems“, á splighé Glasl.
Danter i reladus êl ince Oswald Überegger, diretur dl Zënter de competënza Storia regionala dla Université da Balsan y Gunda Barth-Scalmani, professuria dla Leopold-Franzens-Unviersité da Desproch che á baié, danter l’ater, dla mostra speziala „Lüsc da paur zënza ëi“ de Dietenheim. „La storia dles ëres ne vëgn nia analisada tl’archirida storica dl’agricoltöra. Les inrescides che é gndües fates tl contest dla mostra a Dietenheim á indere porté a löm cosses dër interessantes y importantes“, á sotligné Barth-Scalmani.
I esperc de storia Pietro Fogales y Hannes Obermair á indere baié dl proiet „Pietre d’inciampo“. Tratan le domisde él gnü aprofondí les tematiches cun workshops y vijites acompagnades a Ciastel Tirol, tl Museum dles ëres, al Touriseum, al Palais Mamming y tres na spazirada sön le tru dles „Pietre d’inciampo“ a Maran.
Imajes y intervistes
Imajes De di museums dl Vedl Tirol 2015
http://we.tl/XClphvZyNZ
Intervista Karin Dalla Torre (por talian)
Direturia dla Repartiziun Museums dla Provinzia
http://we.tl/jiykm4AOhh
Intervista Mattias Fink (por talian)
Secreter general dl'Euregio GECT
http://we.tl/1iCXVe1klA
Intervista Giuseppe Ferrandi (por talian)
Diretur Fondaziun Museum storich dl Trentin
http://we.tl/EdOFbneWhB
Intervista Florian Mussner (por talian)
assessur por i museums y la cultura ladina
MP3 - audio
(Dalla Torre - Benedikt - Fink - Mussner - Ferrandi - Glasl)
rc
Galaria dales fotografies
