Dala Junta: mudaziuns al PUC, stabilida la tomada dl termo
La Junta provinziala á inserí incö (ai 6 de otober) na desposiziun tl regolamënt dl’esecuziun dla lege urbanistica provinziala por stabilí la tomada dl termo di dui agn por les mudaziuns ajuntives ai planns urbanistics. La dorada dl tëmp vëgn calcolada danü tres cun le scomenciamënt dla legislatöra comunala nöia.
La lege urbanistica provinziala nöia prevëiga che al é ma poscibl da efetué trëi prozedimënc de mudaziun dl plann urbanistich comunal, chësta regolamentaziun é gnüda inserida por evité na maladoranza dl stromënt de planificaziun vigni iade che n proiet ne corespogn nia al PUC atual. La Junta provinziala ne â nia ciamó fissé ofizialmënter le termin cun chël che la dorada di dui agn ess messü mët man.
Cun na mudaziun dl regolamënt de esecuziun dla lege urbanistica provinziala á la Junta provinziala tut la dezijiun che i dui agn te tëmp por ma trëi mudaziuns ametüdes dl PUC mët man danü al scomenciamënt de vigni legislatöra comunala nöia, „n termin che garantësc la planificaziun y la sigurté iuridica“, sotlignëia l’assessur por le svilup dl teritore Richard Theiner. Ince le Consëi di Comuns á dé n arat positif dla definiziun dl termin dla tomada dl termo cun le scomenciamënt dla legislatöra comunala nöia.
rc
