Teßmann: Presentaziun dl liber sön la soldara Viktoria Savs
Viktoria Savs (nasciüda tl 1899 a Bad Reichenhall, morta a Salzburg tl 1979) ê öna dles soldares austriaches plü conesciüdes dla Gran Vera. Süa storia de vita, atualisada cun documënc nüs, mostra sciöche coraje y patriotism pó se trasformé te fanatism y sënn. La Biblioteca Provinziala dla Teßmann inviëia düc ala presentaziun dl liber ai 13 d’otober.
Canche la Talia ti detlarëia vera dl 1915 al Imper austroungarich ó ince la jona de 16 agn Viktoria Savs combate sciöche soldara te vera sciöche so pere. Insciö éra buna da passé le recrutamënt di soldas cun na furbaria se detlaran de ses maschil y da combat ince sön le frunt dles Trëi Pizes de Lavarëi. Dala propaganda k.u.k. vëgnera spo stilisada sciöche „eroina“ – y do la fin dla vera vëgnera desmentiada.
Tl 1933 vára pro la NSDAP austriaca y dl 1938 pro les forzes armades dla Wehrmacht, dal 1942 éra stazionada a Belgrad pro le comando de stermin dla SS.
Documënc nüs integrëia chësta storia de vita, che mostra sciöche coraje y patriotismus pó se trasformé te sënn y fanatism. Le geograf, germanist, autur de liber y jornalist Frank Gebert presentará la storia de Viktoria Savs te n liber nü dal titul “Die Kriege der Viktoria Savs: Von der Frontsoldatin 1917 zu Hitlers Gehilfin” en mertesc, ai 13 d’otober dales 20.00 inant tla Biblioteca Teßmann. Dla introduziun y moderaziun dla discusciun se fistidiará Martha Verdorfer, storica, maestra de storia y filosofia.
La Biblioteca provinziala „Friedrich Teßmann“ á süa sënta tla strada Armando Diaz 8 a Balsan, telefon 0471 471814, E-Mail info@tessmann.it; http://www.tessmann.it/.
rc
Galaria dales fotografies
