Derjon: i lëures de ressanamënt ambientel scumëncia ai 26 d’utober
Te doi enes scumencerà l Ufize Sistemazion de ruves da mont y peralevines nord cun lëures tl Derjon te na trata de n 300 m danter la cunfluenza cun l Isarch y l viadot dl’autostreda dl Prëner a Pruca.
Tl Derjon uniral valivà ora sies stoes te na trata de n 300 m danter l pont ulache l ruf regor tl Isarch y l viadot dl’autostreda dl Prëner a Pruca.
Dan mëter man cun i lëures uniral tëut ora proes de pësc tla pert bassa dl ruf. L travert di ntervënc, nsci tlarësc l proietant Andreas Vettori, ie che l ruf devënte n raion de vita adatà per i pësc autoctons che arà propi te chësta pert bassa dl ruf na luegia ideala per si reproduzion. Chësta luegia unirà l plu puscibl renatureda. La spëises per i ntervënc monterà a n 75mile euro che unirà sëurantëuc dala SE Hydropower per ntervënc ambientei de cumpensazion per la nuzeda idroeletrica aldò dla diretiva UE sun i ruves.
USP
