Invit - La comisciun por l’avalianza dles oportunités complësc i 25 agn
La Comisciun provinziala por l’avalianza dles oportunités mët a jí en gaujiun dla festa de sü 25 agn na manifestaziun en vëndres ai 23 d’otober dl 2015 dales 17.00 tl Ciastel Maretsch a Balsan. L’incuntada cun i media é dales 16.30.
En gaujiun dl 25ejimo aniversar dla Comisciun provinziala por l’avalianza dles oportunités dles ëres gnarál tigní na manifestaziun aladô dl moto „25 agn ëres en pröma fila –Ciamó n som o bele na realté…“ en
vëndres ai 23 d’otober dl 2015
dales 17.00
tl Ciastel Maretsch
a Balsan.
Ala manifestaziun sarál presëntes la presidënta dla Comisciun por l’avalianza dles oportunités Ulrike Oberhammer, la vizepresidënta Franca Toffol, le presidënt dla Provinzia Arno Kompatscher, l’assessuria provinziala Martha Stocker y la coordinadëssa statala dla Conferënza di organisms por l’avalinaza dles oportunités Roberta Mori. La deputata dl Parlamënt europeich Maria Noichl tignará n referat sön la politica strategica tl contest dl’avalianza dles oportunités a livel europeich y local, la senaturia Josefa Idem fajará n intervënt sön le contest statal dla tematica. Düc é dër bel inviá a tó pert ala scomenciadia.
Por i rapresentanc di media él la poscibilité da incunté la presidënta Ulrike Oberhammer, la vizepresidënta Franca Toffol, l’assessuria Martha Stocker, la deputata UE Maria Noichl, la senaturia Josefa Idem, la deputata Renate Gebhard y la coordinadëssa statala Roberta Mori bele dales 16.30 (tres en vëndres ai 23 d’otober a Ciastel Maretsch, Balsan).
rc
