Südtirol digital 2020: löm vërda dala Junta, indoman la presentaziun
Löm vërda da pert dla Junta provinziala al proiet „Südtirol digital 2020“, le documënt strategich che contëgn les mosöres y i obietifs por modernisé l’aministraziun provinziala. I detais dl documënt strategich gnará presentá indoman (mercui ai 28 d’otober) dal’assessuria Waltraud Deeg te na conferënza stampa dales 10.00 a Balsan.
Le percurs d’elaboraziun de „Südtirol digital 2020“ á metü man tl’aisciöda dl 2014, canche la Junta â inciarié le Departimënt Familia y aministraziun da elaboré n plann de svilup digital dl’aministraziun publica en acordanza cun i obietifs statai y europeics. La pröma pert é gnüda stlüta jö incö cun l’aprovaziun da pert dla junta provinziala dl documënt strategich che contëgn les mosöres, i obietifs y i tëmps de realisaziun. La verjiun „made in Südtirol“ dl’Agenzia digitala gnará presentada dal’assessuria Waltraud Deeg y dal diretur de Repartiziun Informatica, Kurt Pöhl, te na conferënza stampa
indoman, mercui ai 28 d’otober dl 2015
dales 10.00
tl salf stampa dla Junta provinziala
plaza Silvius Magnago 1
a Balsan.
rc
