Balsan y Porsenú: Bandides por tecnics de laboratore scolastich
Döes scores altes adora personal spezialisé: sides le lizeum scientifich da Porsenú co ince le lizeum scientifich y tecnich por les costruziuns da Balsan chir porom un n tecnich de laboratore scolastich ti seturs dla chimica y dla fisica. La tomada dl termo por se candidé é ai 23 de novëmber dl 2015.
Trami dui i posć é a tëmp plëgn y reverda la curida dl post da tecnich de laboratore scolastich ti seturs dla chimica y dla fisica por le lizeum scientifich, linguistich y l’istitut tecnologich da Porsenú y por le lizeum scientifich y l’istitut tecnich por les costruziuns da Balsan. I posć é resservá al grup linguistich todësch. Al concurs pó ma tó pert les candidates y i candidac che fej pert dl grup linguistch todësch o ladin. Les candidates ladines y i candidac ladins mëss avëi stlüt jö la formaziun damanada te na scora cun l’insegnamënt por todësch o te na scora dles localités ladines.
L’anunzia dla bandida de concurs é gnüda publicada sön la plata internet dla Repartiziun Personal y tl boletin ofizial dla Regiun. Por tó pert al concurs mëssel gní dé jö la domanda cina ai 23 de novëmber dl 2015 dales 12.00 tl ofize Assunziun personal. Plü informaziuns pon ciafé sot a: http://www.provincia.bz.it/personale/temi/concorsi.asp
rc
