Dala Junta: stipendiums por la formaziun tla sanité, ok ai criters
La Junta provinziala á aprové incö (ai 3 de novëmber) sön proposta dl’assessuria Martha Stocker i criters por la conzesciun di stipendiums por la formaziun tl setur sanitar por ci che reverda l’ann academich 2015/16.
Ince por l’ann academich 2015/16 prevëiga la Provinzia de Balsan l’assegnaziun de stipendiums por le stüde a düc chi che ademplësc i criters dl limit de davagn (y nia ma) y che á intenziun da frecuenté n curs o na scora por la formaziun de basa dles profesciuns sanitares, dai operadus tecnics al personal d’aiüt tl setur sanitar. Incö, mertesc ai 3 de novëmber á la Junta provinziala dit de sce ala proposta dl’assessuria Martha Stocker che reverda l’azetaziun di criters d’azes por ciafé n stipendium. Le limit dl davagn y dl patrimone dles porsones che fej domanda ne pó nia superé i 32mile euro por l’ann 2014.
La tomada di termins y i criters por la presentaziun dles domandes gnará comunicá atira do la publicaziun dla deliberaziun da incö tl Boletin Ofizial dla Regiun Trentin-Südtirol. Dötes les informaziuns sará ince a desposiziun sön la plata internet dl Ofize Personal sanitar sot ala misciun www.provincia.bz.it/sanita/personale-sanitario/assegni-studio.asp.
rc
