Museum Ladin: „Millionenshow“ sön l’Ursus ladinicus a La Ila ai 10/11
En mertesc ai 10 de novëmber gnarál organisé dales 13.30 tla Ciasa dla Cultura a La Ila n jüch por mituns cun pesć ispiré ala trascmisciun televisiva dla „Millionenshow“ sön la tematica dla laurs dolomitica Ursus ladinicus. La scomenciadia é organisada dal Museum ladin, l’entrada é debann.
N jüch cun pesć dediché al Ursus ladinicus y che é ispiré ala trascmisciun televisiva dla „Millionenshow“ é sön le program en mertesc ai 10 de novëmber dales 13.30 tla Ciasa dla cultura a La Ila (strada Colz 75). Al tolará pert al jüch ot scolars dla secunda tlassa dla scora mesana dl paisc da La Ila. L’obietif dla scomenciadia é chël da aprofondí i contignüs scientifics che reverda la laurs dl ander de Conturines.
Düc i interessá, scolars y geniturs, é dër bel inviá a tó pert ala manifestaziun, al é ince preodü l’intervënt dl publich che pó daidé i partezipanc. La manifestaziun sará por ladin, l’entrada debann. Na pert di pesć vëgn metüda a desposiziun dala Cassa Raiffeisen Val Badia. Por plü informaziuns prëibel contaté le Museum Ladin Ursus ladinicus, strada Micurá de Rü 26, San Ciascian, tel. 0474 524020, http://www.museumladin.it/
rc
