Stipendiums por i studënc che fej cursc foradecá
Al toma ai 22 de dezëmber le termin por la pesentaziun de domandes por la conzesciun de stipendiums a bëgn de studënc che frecuentëia cursc aldinfora dla Provinzia de Balsan, dla scora alta o de cursc de formaziun profescionala a tëmp plëgn. A desposiziun por curí les domandes él indöt 400.000 euro.
L’Ofize Dërt al stüde, Université y archirida scientifica informëia che al é sté publiché la bandida por la conzesciun de stipendiums a bëgn por studënc y partezipanc che frecuentëia cursc aldinfora dla Provinia de Balsan, de scores altes o de cursc de formaziun profescionala a tëmp plëgn, nia presënc te Südtirol, de na dorada de almanco sis mëisc, por l’ann scolastich 2015/16. La soma complessiva a desposiziun é de 400.000 euro.
Les domandes por la conzesciun di stipendiums, che é ince da ciafé sot a chësta misciun, mëss gní presentades al’Aministraziun provinziala (Ofize Assistënza scolastica, strada Andreas Hofer 18, Balsan) cina ai 22 de dezëmber dl 2015.
rc
