Separaziun y devorz: Incuntada de presentaziun dles mosöres ai 23.11.
Le proiet „Renforzé les families“ se dá jö atualmënter cun la tematica dla separaziun y dl devorz. En lönesc ai 23 de novëmber gnarál insciö organisé la secunda incuntada cun i aturs prinzipai de chësc setur dla familia. Al tolará pert al’incuntada l’assessuria por les families Deeg, la presidënta dl Tribunal provinzial de Balsan Elsa Vesco y la vicar dles families da denant Jürgen Rudolph.
La tematica „Separaziun y devorz“ é, dlungia les döes tematiches dl „Tëmp dala gravidanza cina al terzo ann d’eté di mituns“ y dla „Puberté“, öna dles plü importantes dl proiet „Renforzé les families“. Do da n ann d’elaboraziun gnarál sëgn presenté n pachet cun mosöres spezifiches te na conferënza stampa
en lönesc, ai 23 de novëmber dl 2015,
dales 09.00 ales 13.00
tl Palaz Widmann
plaza Silvius Magnago 1
a Balsan.
Do l’introduziun da pert dl’assessuria Waltraud Deeg sarál la presidënta dl Tribunal provinzial de Balsan Elsa Vesco che tignará n referat dales 09.30 sön la tematica „Families tl svilup – Rodi, poscibilités y punc de forza“. Daldô sarál le vicar de families da denant Jürgen Rudolph che tignará n discurs dal titul „Interdisziplinäre Zusammenarbeit am Beispiel der Cocherner Praxis“. Dales 11.00 gnarál spo presenté le pachet cun mosöres che reverda la tematica „Separaziun y devorz“.
rc
