Presentaziun dl liber de Eduard Pizzinini ai 06/12 a Al Plan
Tl contest dla ligna de recordanzes de personalités fora dal monn dla scora y de atri ciamps á le Ciamp Inovaziun y Consulënza sëgn arjigné ca la secunda publicaziun, chësc iade scrita da Eduard Pizzinini da Al Plan de Mareo dal titul "Na vita al sorvisc dla scora y dal paisc". Le liber nü gnará presenté en domënia ai 06 de dezëmber dales 15.00 tl salf dla Raika d'Al Plan.
La pröma publicaziun dla ligna de recordanzes é gnüda scrita da Franz Vittur, intendënt da denant dla scora ladina dal 1975 cina al 1992, y porta le titul "Recordanzes de n maester". La secunda publicaziun, indô manajada dal Ciamp Inovaziun y Consulënza, é sëgn dan man y é gnüda realisada da Eduard Pizzinini, diretur da denant dla scora mesana d'Al Plan y personalité dër conesciüda al intern dla comunité de valada. Sües recordanzes y esperiënzes personales á le dirighënt da denant dla musiga da Al Plan y manajadú dl Cor de dlijia por passa 47 agn alalungia coiü adöm te n liber dal titul "Na vita al sorvisc dla scora y dal paisc" che gnará presenté dal autur instëss
en domënia, S. Mocherá
ai 06 de dezëmber
dales 15.00
tl salf dla Cassa Raiffeisen
strada Catarina Lanz
a Al Plan de Mareo
L'introduziun y moderaziun dla presentaziun sará tles mans dl diretur dl Ciamp Inovaziun y Consulënza Felix Ploner. La publicaziun nöia é früt de na colaboraziun danter le Ciamp Invoaziun y Consulënza dl Departimënt Educaziun y Cultura Ladina cun l'assoziaziun culturala "Mareo laota y encö". Düc i interessá é inviá ala manifestaziun.
Por informaziuns plü monüdes: www.pedagogich.it
rc
