Dala Junta: stipendiums por le secundo lingaz y i lingac foresti
Chi che frecuentëia danter otober 2015 y setëmber 2016 n curs de lingaz forest o n curs tl secundo lingaz (todësch o talian) pó damané do n stipendium. La Junta provinziala á aprové incö (ai 9 de dezëmber) les bandides de concurs. Les domandes por la conzesciun de n stipendium pó gní presentades cina de jená dl 2016.
Aladô dla deliberaziun aprovada incö dala Junta sön proposta dl presidënt Arno Kompatscher pó damané do n stipendium düc i residënc dl Südtirol che ne á nia ciamó superé i 50 agn y che tl 2014 á albü n davagn familiar depuré de alplü 30 mile euro. La Provinzia garantësc contribuc a chi che frecuentëia cursc de n lingaz forest de na dorada minima de almanco 3 edemes (19 dis) y cursc dl secundo lingaz de na dorada minima de almanco döes edemens (10 dis cun leziuns). Trames döes les formes de curs mëss almanco avëi 20 ores d’insegnamënt al’edema.
La soma dl contribut vëgn calcolada sön la basa dles spëises tolon en conscidraziun le davagn familiar depuré y la dorada dl curs. La Provinzia conzed ince na sovenziun mascima de 5.800 euro. Al é poscibl da s’anuzé dl contribut por le stüde de n lingaz forest por indöt cater iadi, y indöt dui iadi por i cursc dl secundo lingaz. Les domandes pó gní presentades dal 1 de jená cina al 30 de setëmber dl 2016 al Ofize Dërt al stüde universitar, strada Andreas Hofer 18 a Balsan.
Informaziuns: http://www.provincia.bz.it/diritto-allo-studio/amministrazione/83.asp
rc
