"Che é pa la laurs?": Video cun informaziuns y consëis ince por Ladin
De indöt nü menüc é la dorada dl video, te chël che al ne vëgn nia ma splighé les carateristiches generales dla laurs mo ince racomané le comportamënt adaté por evité incuntades prigoroses cun na laurs salvara tla natöra. Da incö (07/01) pól ince gní consulté la verjiun ladina.
„Che é pa la laurs? Y co dessi pa me comporté sce i la incunti?“ Chësc é le titul dl video informatif realisé dal Ofize Ciacia y Pëscia por ladin, talian y todësch. Le video, te chël che ince n ispetur forestal spliga i comportamënc plü adatá sce an ess da incunté na laurs, dess gní mostré dantadöt tles scores dla Provinzia. Le documentar é gnü realisé sön scomenciadia dl Departimënt Politiches forestales dl assessur Arnold Schuler.
Le film „Che é pa la laurs?“ é gnü realisé da Jutta Kußtatscher (regia) y da Raffaele di Nicola (tai) cun l’aconsiamënt di esperc Martin Stadler, Davide Righetti, Ivo Bocchio y Manfred Messner dl Ofize Ciacia y Pëscia; al é ince gnü realisé döes verjiuns, öna por todësch („Wer ist der Bär) y l'atra por talian („Chi è l’orso?“). La verjiun por ladin pó gní consultada sön youtube y sön facebook.
rc
