Contribuc provinziai por l'ativité culturala 2016
La Repartiziun Cultura y Intendënza ladina adöm cun la Consulta culturala provinziala por le grup linguistich ladin lascia alsavëi che les domandes por n contribut provinzial por l'ativité culturala 2016 mëss gní dades jö cina al 01 de forá dl 2016. Por düc chi che ó damané do informaziuns o dé jö la domanda diretamënter söl post pó chësc gní fat ai 27/01 a Al Plan y ai 29/01 a Urtijëi y Badia.
Ince chësc ann vara da ti dé jö les domandes por n contribut por programs culturai anuai diretamënter tles valades ladines a n colaboradù/na colaboradëssa dl Ofize Scora y Cultura ladina, y da damané ince do informaziuns. Chësc sorvisc vëgn pité por les lies de Gherdëna, ai 29.01.2016 dales 16.00 ales 18.00 tla Ciasa de Comun de Urtijëi (strada Roma 2), y por les lies dla Val Badia ai 27.01.2016 dales 16.00 ales 18.00 tla Ciasa de Comun a Al Plan (strada Catarina Lanz 48) y ai 29.01.2016 dales 16.00 ales 18.00 tla Ciasa de Comun de Badia (strada Pedraces 40).
Les domandes ti pó sambëgn ince gní ortiades cina al 01 de forá dl 2016 por posta o por pec ala Provinzia Autonoma de Balsan-Südtirol, Ofize Cultura y scora ladina 18.1, Bindergasse 29, 39100 Balsan (E-mail: culturayintendenzaladina@pec.prov.bz.it).
I formulars dles domandes é da ciafé sön la plata internet www.provinzia.bz.it/ntendenza-ladina/service/formuleres-cultura.asp o tl Ofize Cultura y scora ladina, Bindergasse 29, Balsan, Tel. 0471- 417020/21.
Les domandes de contribut por investimënc, proiec culturai, ativités artistiches, de educaziun y de formaziun ne á degun termo da respeté y pó gní dades jö tratan döt l’ann.
rc
