Curs trienal por mënacrëp: iscriziuns al ejame d’amisciun
Cina ai 10 de forá podará les porsones interessades fá domanda por l’iscriziun a n curs formatif trienal por mënacrëp che é ince la tlé por sostigní daldô l’ejame pratich de amisciun.
L’ejame d’amisciun al curs de formaziun por mënacrëp gnará tigní ai 23 y ai 24 de forá y ince ai 15 de má dl 2016. Le curs de formaziun ará na dorada de spo trëi agn y vëgn tigní da esperc cun cualifiches altes. Les domandes de iscriziun al ejame pratich de amisciun, che zertifichëia ince l’idoneité di candidac al curs, mëss gní presentades cina ai 10 de forá al’Area funzionala dl turism dla Provinzia, tel. 0471 413727. I formulars d’iscriziun pó gní desciariá sot ala misciun web www.provincia.bz.it/economia.
Informaziuns plü detaiades é da ciafé pro l’Assoziaziun di mënacrëp dl Südtirol sot la misciun http://www.bergfuehrer-suedtirol.it
rc
