De dla leteratöra tiroleja ai 23 de jená a Balsan
En sabeda ai 23 de jená él söl program tla Ciasa dla cultura Walther a Balsan le De dla leteratöra dl Südtirol, dl Tirol dl Nord y dl Tirol dl Ost: scriturs y scrituries de Tirol y dl Südtirol presentará les novités editoriales dl 2015.
Le De dla leteratöra tiroleja é organisada dala biblioteca provinziala Teßmann adöm cun le Südtiroler Künsterbund (Lia di Artisć dl Südtirol) y le zënter linguistich dl Südtiroler Kulturinstitut. Le terminn é planifiché por en sabeda ai 23 de jená, dales 10 ales 19, tla Ciasa dla cultura Walther a Balsan. L’entrada é debann.
Les auturies y auturs dl Südtirol, dl Tirol dl Nord y dl Tirol dl Ost presentará sües publicaziuns nöies dl 2015 che passa dala lirica ales stories y romans. Por le pröm iade sarál ince da aldí poesies dal'arpejun de Gerhard Kofler che é gnüdes publicades por le pröm iade. I studënc Boris Matić y Matthias Vieider liará fora de operes nia publicades che trata la domanda sce ara vá da imparé da scrí. Y ala fin dl De sarál spo da „Stlü i edli, al mët man!“, canche Martin Sailer dl ORF Tirol presentará n radiodrama nü dla storia de Helene Flöss „Dürre Jahre“. Ala discusciun y letöra tolarál pert Christoph W. Bauer, Reinhilde Feichter, Alfred E. Mair, Brigitte Knapp, Martin Kolozs, Boris Matić, Edith Moroder, Martin Mumelter, Carolina Schutti, Matthias Vieider y Stefano Zangrando. La moderaziun dl evënt sará manajada da Martin Sailer (ORF Tirol), Ferruccio Delle Cave (Lia di artisć dl Südtirol), Christina Hametner y Evelin Moschèn (Biblioteca provinziala Dr. Friedrich Teßmann), Monika Obrist (Ofize linguistich dl Istitut cultural dl Südtirol).
rc
