INVIT Surandada diploms „Scoraziun Montessori“ ai 30 de jená a Urtijëi
En colaboraziun cun l’Akademie Montessori Biberkor dl Paiern á le Ciamp Inovaziun y Consulënza organisé na scoraziun de dui agn che reverda la metoda d’insegnamënt Montessori y süa atuaziun tles scores elementares y scolines tles valades ladines. Do la proa de contlujiun ti gnarál surandé ales partezipantes en sabeda ai 30 de jená i diploms tla scora elementara de Urtijëi.
La metoda d’insegnamënt Montessori é n sistem educatif che se basëia sön la stimolaziun dla socialisaziun, dla cooperaziun y dl respert por les mitans y i mituns. Ara é gnüda ideada da Maria Montessori. Por imparé da conësce da plü daimpró chësta metoda d’insegnamënt y por savëi da l’adoré ince te scora á le Ciamp Inovaziun y Consulënza organisé adöm cun l’Akademie Montessori Biberkor (Paiern) na scoraziun de dui agn dal 2014 cina al 2016. Por stlü jö chësc percurs de formaziun, che á registré la partezipaziun de indöt 42 educadësses y maestres, gnarál metü da jí na manifestaziun de „Surandada di diploms Montessori“ en
sabeda, ai 30 de jená dl 2016
dales 17.00
tla scora elementara de Urtijëi
strada Scurcià 10
en presënza dl assessur por la scora ladina Florian Mussner, l’intendënt Roland Verra y le diretur dl Ciamp Inovaziun y Consulënza Felix Ploner. Düc i interessá y rapresentanc di media é dër bel inviá a tó pert ala manifestaziun.
rc
