Portines uniches por assistënza y cura Gherdëna y Val Badia
L’edema da denant é les portines uniches por l’assistënza y la cura por porsones nia autonomes gnüdes presentades: sëgn á la Repartiziun Politiches provinziales ince publiché sön internet la lista di sorvisc y di contac. La plata internet cun düc i contac, ince por la Val Badia y Gherdëna, é da ciafé sot a: www.provincia.bz.it/sociale
Canche na porsona devënta da n de al ater na porsona nia autonoma él nezesciar da garantí n’assistënza tresfora, y gonot ne sá les families te chisc caji nia che damané y olache ai pó ciafé aiüt y ci sorvisc che ti speta. Les portines uniches nöies sön le teritore – che é atives da jená dl 2016 ti raiuns soziosanitars südtirolej – é n punt de referimënt por dötes les porsones che á bojëgn de assistënza y cura, y ince por sües families y les porsones che se crüzia di familiars. Por düc chi che adora informaziuns y sostëgn pro les pratiches burocratiches é les portines n partner afidabl che vëgn manajé dai ofizi competënc che pita sorvisc soziai, sorvisc sanitars y aiüc por i seniors che é presënc te chël raiun.
Da sëgn pita la Repartiziun provinziala Politiches sozialies n sorvisc online cun na panoramica sön dötes les portines uniches tles comunités raionales cun i dac y contac nezesciars. La lista é online sot ala misciun: www.provincia.bz.it/politiche-sociali/temi/sportello-unico-assistenza-e-cura.asp
Por Gherdëna
Comunità raion Salten – Scilier
Raiun soziosanitar Gherdëna
Via J.B. Purger 16
39046 Urtijëi
Tel. 0471 / 798015
Orars de daurida
Lönesc 16.00 – 18.00
Mertesc 10.00 – 12.00
Misciuns email
valgardena@sportellounico.bz.it
Por la Val Badia
Comunité raionala Val de Puster
Raiun soziosanitar Val Badia
Strada Piculin 48
39030 San Martin de Tor
Tel. 0474 / 586137
Orars de daurida
Lönesc, Mercui, Vëndres dales 10.00 ales 12.00
Mertesc y jöbia davert dales 14.00 ales 16.00
Misciuns email
rc
