De mondial di amará: assiguré l’assistënza sanitara tl dagní
„Assiguré l’assistënza sanitara te Südtirol ince por i agn che vëgn: chësc é nosc compit primar“, sotlignëia l’assessuria provinziala Martha Stocker en ocajiun dl De mondial di amará che toma ai 11 de forá. Tl zënter dles politiches sanitares mëssel ester i paziënc cun sü bojëgns, y ince cun sües tëmes, preocupaziuns y nezescités, insciö Stocker.
„Dantadöt te na fasa de renovamënt y de reorganisaziun él nezesciar da se conzentré tres sön le cör dles cosses“, sotlignëia l’assessuria provinziala Martha Stocker y fej insciö referimënt al plann por l’assistënza sanitara 2020. I zitadins ti á crëta al sistem sanitar dl Südtirol, „y ince sce les sfidades che reverda l’aumënt dles maraties croniches y dl eté mesana dla popolaziun nes á oblié da reorganisé i sorivisc sanitars, él i zitadins che mëss podëi se fidé da avëi n’assistënza adatada ince tl dagní“, insciö Stocker che damana a düc chi che laora tl setur sanitar da mët tres tl zënter i paziënc y sües ghiranzes.
En ocajiun dl 11 de forá, De mondial di amará, fej l’assessuria n apel da lauré deboriada por assiguré n’assistënza capilara cina tles valades y ti paisc ince ti agn che vëgn y ti dij dilan a düc chi che laora – te manira profescionala o volontara – por le bëgn dles porsones amarades y che á debojëgn de cura.
rc
