Coliamënt feroviar Val de Puster – Ciadura: ai 13/02 la firma a Cortina
En sabeda, ai 13 de forá, sará le presidënt dla Provinzia Arno Kompatscher y le presidënt dla Regiun Venet Luca Zaia a Cortina por sotescrí le protocol d’acordanza por la planificaziun de n coliamënt feroviar danter la Val de Puster y le Ciadura. Ala firma sarál ince presënt le minister por les infrastrotöres y i trasporc Graziano Delrio.
Le svilup dla rëi dles ferates ince sura i confins provinziai fora é öna dles priorités tl setur dla mobilité dla Provinzia de Balsan y dla Regiun dl Venet, che á bele fat le pröm vare cun l’aprovaziun a n stüde de fatibilité por n proiet de coliamënt feroviar danter la Val de Puster y le Ciadura passan por Cortina. La proposta portass insciö a n ampliamënt dla mobilité danter le Südtirol y la Provinzia de Belun dlungia les Dolomites, öna dles contrades plü beles dles Alpes. Al ne gniss insciö nia ma a se le dé vantaji por i dui raiuns alpins cun na valorisaziun dl’area dai punc d’odüda dl ambiënt, dl turism, dl’economia y dla cultura.
Le presidënt dla Provinzia Arno Kompatscher y le presidënt dl Venet Luca Zaia firmará le protocol d’acordanza, en presënza ince dl minister por les infrastrotöres y por i trasporc Graziano Delrio
en sabeda, ai 13 de forá dl 2016
dales 13.00
tl salf dles sentades
dla Ciasa de Comun
a Cortina, via Corso Italia 33.
L’acordanza prevëiga ince l’istituziun de n grup de laur paritetich cun rapresentanc dla Provinzia de Balsan, dla Regiun Venet, dla STA (Strotöres Trasport Südtirol), y de ST (Sistems teritoriai dl Venet) che ará l’inciaria da definí le stüde de fatibilité cun diretives, poscibilités d’atuaziun y investimënc eventuai por realisé le proiet.
rc
