Le Liber dl sport südtirolej 2015 gnará presenté ai 15 de forá
Imajes, inoms y stories sará tl zënter dla secunda ediziun dl Liber dl sport südtirolej 2015, che contëgn les sfidades y les arjuntes sportives plü beles tl ann passé. Le liber dl sport gnará presenté dal’assessuria Martha Stocker, adöm ai ghesć d’onur y campiuns dl monn 2015 Roland Fischnaller, Evelin Lanthaler, Patrick Pigneter y Florian Clara.
Sön indöt 170 plates vëgnel presenté tl’ediziun nöia n ressüme di avenimënc y dles arjuntes plü importantes di atlec südtirolej che á fat para pro competiziuns de livel alt. La publicaziun nöia é gnüda realisada dal Ofize Sport y promoziun dla sanité adöm ala redaziun dl sit online „sportnews.bz.“. Le Liber dl sport nü dl 2015 gnará presenté ofizialmënter dal’assessuria por le sport Martha Stocker
en lönesc, ai 15 de forá
dales 11.30
tl salf stampa
dl Palaz provinzial 1
plaza Silvius Magnago 1
a Balsan
adöm ai ghesć d’onur y campiuns dl monn Evelin Lanthaler, Florian Clara, Patrick Pigneter (düc liösa) y Roland Fischnaller (brëia).
rc
