Presentazion dl liber "Micòl" de Waltraud Mittich ai 23.02 tla Teßmann
N merdi, ai 23 de fauré 2016, dala 20.00, uniral presentà tla Biblioteca provinziela Dr. Friedrich Teßmann, tla streda A. Diaz 8 a Bulsan, l romann nuef "Micòl" de Waltraud Mittich. La ntreda ie debant.
L’autora Waltraud Mittich liejerà n valgun pec da si roman nuef "Micòl" te na sëira publica modereda da Katrin Klotz dl Südtiroler Künstlerbund, n merdi, ai 23 de fauré 2016, dala 20.00, tla Biblioteca provinziela Dr. Friedrich Teßmann, tla streda A. Diaz 8 a Bulsan.
Tl 1962 à l scritëur Giorgio Bassani dat ora cun si liber "Il giardino dei Finzi Contini" n’opera de gran valor leterer. L conta la storia dl amor mpuscibl de n jëunn per la judiera Micòl che vën deporteda. Waltraud Mittich ne uel nia azeté la ngiustizia suzeduda y se nmagina che la storia ëssa nce pudù jì ora autramënter. Nsci la lascela jì inant mez secul do fajan che Micòl vede si streda aldò de n canon de vita feminil cialan de arjonjer recunescimënt y lidëza. Cun gran empatia reprejentea l’autora sudtiroleja la vita de chëst’ëila judiera che porta la stëila ma nce l fazulët, che va ncantëur sun ciauzei dal tach a plató y na boa de plumes ntëur l col. Te si verzons di Finzi ie la cumedura dla realtà na cossa puscibla y l amor ie sarëinn y mujel. Te chësta hommage a Giorgio Bassani dessënia Waltraud Mittich l troi de vita de na figura leterera, la fej reflescions sun libri, l liejer y la rujeneda lascian audì de plu ujes naratives y museran i spavënc dl 20ejim secul.
Ntroduzion: Katrin Klotz, Südtiroler Künstlerbund
Na manifestazion dla Biblioteca provinziela Dr. Friedrich Teßmann n culaburazion cun l Südtiroler Künstlerbund y Literatur Lana.
USP
