Dala Junta: Locai por la Crusc blancia y Socurs alpin a Bornech
La Provinzia ti mët a desposiziun deban ala Crusc blancia, al Socurs alpin y al Socurs sot ega n valgügn locai dl Zënter dla proteziun zivila da Bornech. Les conzesciuns de de plü agn é gnüdes aprovades incö (ai 23 de forá) dala junta provinziala sön proposta dl assessur Florian Mussner.
Da chësc ann ará la Crusc blancia a desposiziun por 9 agn deban locai desvalis y sperses tla sënta dl zënter dla proteziun zivila da Bornech, tla strada Karl Told. La junta provinziala á aprové la stipulaziun dla conzesciun sön proposta dl assessur Mussner.
Tres ciamó döes d’atres conzesciuns, ti mët a desposiziun la Provinzia da jügn inant por 9 agn deban i locai por la sënta dl Socurs alpin dla Lia da munt da Bornech y dl Socurs sot ega da Bornech.
“Les trëi conzesciuns é na forma de sostëgn dla Provinzia ales assoziaziuns de socurs che se dá da fá por la sanité y la sconanza di zitadins. I locai y les sperses metüdes a desposiziun deban ti conzed a chëstes organisaziuns de socurs da jí inant cun süa ativité de gran valüta”, á sotrissé Mussner.
rc
