Temesc dl mëis sön la plata Euregio: da Interreg a Ötzi
Vigni mëis él l’Euregio che presentëia sön süa plata web na personalité, n lüch y na chestiun iuridica che reverda döt le raiun dl’Euregio. Chësc mëis é dediché a Gina Streit che coordinëia i proiec Interreg tl Tirol y al Museum archeologich dl Südtirol cun Ötzi. Implü rajona Peter Gamper dla Repartiziun Europa söi programs nüs de Interreg 2014-2020.
Gina Streit coordinëia da 9 agn la colaboraziun transfrontaliera al intern dl Consëi Interreg Dolomites tl’aministraziun raionala de Lienz tl Tirol dl Ost y laora contemporaneamënter ince a de plü proiec. Por plü informaziuns sön Gina Streit: www.europaregion.info/it/gina-streit.asp.
La descurida de Ötzi tl 1991 ai pisc dl dlaciá dl Similuan sön le confin danter la Talia y l’Austria é stada na noela che á fat la roda dl monn. La conservaziun straordinara dla mumia dla perioda danter 3.300 cina 3.100 agn dan G.C. á porté pro che de plü scienziá s’á dé jö cun analises desvalies sön la vita y la perioda storica de Ötzi (Ezio) che é da odëi atualmënter dl Museum archeologich de Balsan. Por plü informaziuns: www.europaregion.info/it/oetzi-museum-in-bozen.asp
La chestiun iuridica dl mëis é chësc iade la scomenciadia Interreg V Talia-Austria, n program dl Fonds europeich de svilup regional cun l’obietif da renforzé la cooperaziun inanter les Regiuns dl’UE. La chestiun vëgn spligada da plü daimpró da Peter Gamper, diretur dl Ofize por l’integraziun europeica dla Repartiziun Europa dla Provinzia. Por plü informaziuns: www.europaregion.info/it/interreg.asp
rc
Galaria dales fotografies
