Bruxelles, Kompatscher: „Atach ala democrazia, defenun nüsc valurs“
Do la sentada dla Junta provinziala de incö (ai 22 de merz) á le presidënt Arno Kompatscher fat na detlaraziun söi atentac de terorism a Bruxelles. „Al se trata de n atach ala democazia, al’Europa y a nüsc valurs – á dit le presidënt – y i sun damaná da i defëne cun vigni meso.“
Dan la presentaziun dles dezijiuns plü importantes tutes dala Junta provinziala incö á le presidënt dla Provinzia Arno Kompatscher fat referimënt ala tragedia di atentac teroristics de Bruxelles. „Nüsc pinsiers vá te chësc momënt dantadöt ales vitimes y a sü familiars che é gnüs atocá da chisc avenimënc tragics. Tl inom de döta la popolaziun südtiroleja ti sporji nosta solidarieté“, á comenté le presidënt Arno Kompatscher.
Kompatscher á implü ajunté che „al ne se trata nia ma de n atentat a Bruxelles, mo al se trata de n atentat cuntra l’Europa, nosta democrazia y liberté. I sun damaná da defëne nüsc valurs cun döta nosta forza y cun düc i mesi legai che i ún a desposiziun, le scombatimënt dl terorism mëss gní porté inant cun convinziun y orenté frëma.“
rc
