Aprové le ddl de reforma söl’istruziun: conferënza stampa ai 24 de merz
La Junta provinziala á aprové incö (ai 22 de merz) le dessëgn de lege de reforma dla scora. I assessurs provinziai söl’istruziun Florian Mussner, Christian Tommasini y Philipp Achammer presentará les mudaziuns plü importantes en jöbia ai 24 de merz a Balsan.
La lege statala de reforma dl sistem d’istruziun aproada tl mëis de lugio 2015 dal Parliamënt (conesciüda sciöche „La buona scuola“) ne vëgn nia aplicada diretamënter tl Südtirol. La Provinzia mëss indere rezepí les diretives fondamentales dla lege nöia y adaté de conseguënza les desposiziuns provinziales.
La Junta á aprvoé incö le dessëgn de lege che müda les leges provinziales atuales tl setur dl’istruziun por ajorné le sistem scolastich südtirolej ala reforma nazionala. Le ddl y les mudaziuns prinzipiales gnará presentades dai assessurs provinziai competënc Florian Mussner, Christian Tommasini y Philipp Achammer te na conferënza stampa
en jöbia, ai 24 de merz
dales 11.00
tl salf stampa dla Provinzia
a Palaz Widmann, plaza Silvius Magnago 1
a Balsan.
Al sará ince presënc i trëi intedënc Roland Verra, Nicoletta Minnei y Peter Höllrigl.
rc
