Segurëza sön strada, presentaziun dla campagna "No Credit"
Cun le scomenciamënt dl’aisciöda él ince indô tröc motors che s’la roda sön les strades y al mët ince man les ativités dla campagna de sensibilisaziun "No Credit". Chësc iade ne s’archita la scomenciadia nia söi confins dla Provinzia, mo reverda ince le raiun dl Trentin. Düc i detais gnará presentá en lönesc, ai 4 de aurí, te na conferënza stampa al Safety Park.
Dal 2006 inant é la Provinzia de Balsan ativa tresfora cun la campagna de sensibilisaziun "No Credit" che prömoi la segurëza stradala cun n’atenziun particolara ai motoziclisć. Do l’ann passé 2015 cun baldi n aumënt di inzidënc sará le focus dla campagna indô sön i motoziclisć che rovëna tl Südtirol, mo ince tla provinzia vijina dl Trentin. Les scomenciadies dla campagna gnará metüdes en pratica te na colaboraziun strënta cun les forzes dl ordin, en particolar cun le grup de laur cun a cé Christian Carli, le presidënt dl’assoziaziun Polizia de Comun. La campagna nöia gnará presentada dal assessur por la mobilité Florian Mussner, adöm cun l’assessur dla Provinzia de Trënt Mauro Gilmozzi y cun le diretur dl Departimënt Valentino Pagani te na
conferënza stampa,
en lönesc, ai 4 de aurí dl 2016,
dales 10.00,
tl Safety Park de Vadena.
Al sará presënt ala conferënza stampa ince na porsona che á albü n inzidënt cun le motor y che sará la testimonial dla campagna nöia.
rc
