De cumpetënza y respunsabltà: referat ai 04/04 tla Teßmann
La biblioteca provinziela "Dr. Friedrich Teßmann" de Bulsan urganisea n lunesc, ai 04 de auril 2016 dala 20 da sëira le referat “Troies de viers de na cultura dla rujeneda“ de Nina Janich, prufessëura per linguistica germanista tla Università tecnica de Darmstadt.
La esprescion “Cultura dla rujeneda” ie n slogan che vën gën adurvà ti media. Ma cie ntënden pa perdrët cun chësta parola? Co possen pa la sustenì zënza tumé tla lamentanza generela dl pessimism culturel che se damanda plu regules y pruibizions? Nina Janich ti cëla te chësta si cunferënza ala tematica dala pruspetiva dla linguista. L vester “cultivei” – uel dì l savëi nëut – n cont de rujeneda se basa a dì de ëila sun na cunescënza ampla y n gran savëi n cont dl lingaz che va scialdi sëura la drëta adurvanza de regules de gramatica o ortografia ora y mëina a n manejamënt respunsabl y criatif dla rujeneda. Chësta furmazion linguistica ne vën nia mé a s’l dé a scola, la ie n pruzes che dura duta la vita. Nina Janich mostra te si referat troies puscibli de viers dla persona linguisticamënter cultiveda.
Le referat “Troies de viers de na cultura dla rujeneda“ de Nina Janich, prufessëura per linguistica germanista tla Università tecnica de Darmstadt, unirà urganisà
n lunesc, ai 04 de auril 2016,
dala 20 da sëira
tla biblioteca provinziela "Dr. Friedrich Teßmann"
A.-Diaz-Str. 8 a Bulsan.
La scumenciadiva ie unida a se l dé dala Biblioteca provinziela Dr. Friedrich Teßmann y dala “Sprachstelle” dl Südtiroler Kulturinstitut. La sënta dla biblioteca “Friedrich Teßmann” ie tla streda Armando-Diaz 8 a Bulsan, tel. 0471 471814, adres internet: http://www.tessmann.it/la/home.html.
USP
