Dala Junta: ok al program trienal dles costruziuns
La Junta provinziala á aprové incö (ai 5 de aurí) le program d’esecuziun dles costruziuns publiches por i proscims trëi agn 2016 – 2018. Por l’ann atual él a desposiziun 47,4 miliuns de euro, tl 2017 sarál a desposiziun 46,7 miliuns y por le 2018 indöt 45,4 miliuns. I intervënc reverda danter l’ater scores, üties y strotöres soziosanitares.
Sciöche le presidënt dla Provinzia Arno Kompatscher á recordé incö (ai 05 de aurí) ajornëia le program atualisé la planificaziun de plü agn dles costruziuns publiches aladô dl status de realisaziun. Le program trienal de finanziamënt dles operes publiches é gnü aprové incö dala Junta sön proposta dl assessur Christian Tommasini y conscidrëia trëi seturs de finanziamënt: i laurs atuai, i laurs por chi che al é bele gnü fat contrac y convenziuns y les operes publiches por chëres che al é bele gnü elaboré proiec d’esecuziun.
Le program ajorné prevëiga n finanziamënt complessif de 140 miliuns de euro, i laurs y i proiec che reverda danter l’ater i ressanamënc y i ampliamënc de strotöres scolastiches te plü Comuns, realisaziun de strotöres de interes publich y soziosanitares y le ressanamënt de üties da munt.
rc
