Le Museum Ladin presentëia le liber “Catarina Lanz”
Cun la publicaziun nöia dl Museum Ladin vëgnel a löm informaziuns nöies sön la jona d’Al Plan de Mareo Catarina Lanz che á combatü por la liberté. Le liber vëgn presenté en sabeda, ai 16 d’aurí tl salf dles manifestaziun a Al Plan de Mareo dai auturs Lois Craffonara y Helga Dorsch. Ala presentaziun tolel ince pert l’assessur ladin Florian Mussner y le diretur dl Museum Ladin Stefan Planker.
Catarina Lanz ê na fancela d’Al Plan. Dl 1797 ára combatü a Spinges cuntra les trupes franzesc-bavarejes, che â tut ite le Tirol, spo éra sparida y n‘á mai cunté ci che ara â fat. Impormó 70 dedô éson gnüs alsavëi so inom. Da dailó incá á tröpes domandes dé da laur da scrí la storia: éra veramënter esistida? Y sce sce, êl veramënter la fancela ladina?
Rajun assá por le Museum Ladin Ciastel de Tor da inciarié Lois Craffonara y Helga Dorsch cun n proiet scientifich en gaujun di 150 agn dala mort de Catarina Lanz. Sëgn él dan man na publicaziun sön la combatënta por la liberté.
Ala
presentaziun dl liber „Catarina Lanz“
en sabeda, ai 16 d’aurí dl 2016, dales 17:00
tl salf dles manifestaziuns,
strada Plan de Corones, Al Plan de Mareo
tolel ince pert l’assessur provinzial por la scora y cultura ladina y i museums Florian Mussner, le diretur dl Museum Ladin Stefan Planker, sciöche ince i auturs Lois Craffonara y Helga Dorsch.
rc
