Referendum aeroport, incuntada cun i media ai 26 d’aurí
En mertesc ai 26 d’aurí gnarál metü a jí, do la conferënza stampa dla Junta, n’incuntada cun i media söl referendum por l’aeroport da Balsan.
Ai 12 de jügn podará i zitadins dl Südtirol lité sce ai é por o cuntra l’aprovaziun dl dessëgn de lege provinzial söl ampliamënt dl aeroport da Balsan. Do la sentada dla Junta provinziala gnarál a se le dé na conferënza stampa sön chësta tematica cun le presidënt dla Provinzia Arno Kompatscher, l’assessur por la mobilité Florian Mussner y l’assessur por l’ambiënt Richard Theiner. I trëi componënc dla Junta sará a desposiziun por i media ince por analisé la posiziun dla Junta y i contignüs dl proiet che reverda l’aeroport de Balsan. L’incuntada gnará a se le dé
en mertesc ai 26 d’aurí dl 2016
dales 13.00
tl salf stampa dl Palaz Widmann
plaza Silvius Magnago 1
a Balsan.
OSP
