Dala Junta: sanité, 120 posć implü por infermiers
Löm vërda da pert dla Junta provinziala al adatamënt dla planta organica dl’Aziënda sanitara. AL é preodü 120 posć implü por infermiers y infermieres.
Les normatives europeiches prevëiga de plü mudamënc por ci che reverda l’orar de laur tl setur sanitar, che ne reverda nia ma i doturs mo ince i infermiers y i colaboradus che laora ti seturs dla reabilitaziun y dla tecnica sanitara. „Nia ma por ademplí ales diretives scrites dant dala Uniun Europeica mo ince por podëi ti pité ai paziënc n sorvisc de cualité cun standarg scric dant él nezesciar da mët a desposiziun plü posć por infermiers y doturs“, sotlignëia l’assessuria por la sanité Martha Stocker.
Insciö á la Junta provinziala stabilí incö (ai 26 d’aurí) da aprové l’adatamënt dla planta organica dl’Aziënda sanitara che prevëiga 120 posć en plü a tëmp plëgn por infermiers y infermieres. De dezëmber â la Junta provinziala bele aprové na delibera te chësta direziun cun n aumënt de 100 posć de laur por doturs
rc
