Composiziun Consëi scolastich provinzial 2016/17
Le Consëi scolastich provinzial á publiché incö, ai 29 d’aurí, la composiziun nöia por le 2016/17.
La contlujiun dles operaziuns de cumpëda dles schedes eletorales dla lita por le Consëi scolastich provinzial y le resultat definitif vëgn lascé alsavëi da pert dl presidënt dla Comisciun, Albert Videsott.
La lita é stada en jöbia, ai 21 d’aurí dl 2016, a livel provinzial. Les candidates y i candidac che é gnüs litades y litá gnará nominá ofizialmënter mëmbri dl Consëi scolastich provinzial por i agn 2016/17 – 2019/20 cun deliberaziun dla Junta provinziala. Do la sentada costituënta, che sará de setëmber dl 2016, sará le Consëi nü atif cun le scomenciamënt dl ann scolastich 2016/17.
Al é gnü injunté le documënt dla composiziun nöia dl Consëi scolastich provinzial por i proscims cater agn y i resultac arjunc da vigni candidat.
Pro la categoria di ispeturs él gnü lité l’ispeturia dles scolines ladines Edith Ploner, pro la categoria dl personal didatich él gnü lité Rosmarie Senoner (Scolines), Ingeborg Dejaco (Maestri ladins Val Badia), Walter Pescosta (Scoles autes Gherdëina)
I rapresentanc di geniturs y di scolars é bele gnüs litá ai 21 d’aurí y é por i proscims cater agn por les scores ladines Ivana Peristi (geniturs) y Diego Glück (scolars).
rc
