Dala Junta: cursc universitars por le sostëgn a scolars cun handicaps
La Junta provinziala á autorisé incö (03/05) l’Université Lëdia de Balsan da istituí cursc de spezialisaziun por ativités de sostëgn de scolars cun handicaps.
Dal ann academich 2016/17 sará l’Univeristé Lëdia de Balsan autorisada da istituí y ativé cursc de formaziun por personal spezialisé tles ativités de sostëgn didatich a mituns y scolars cun handicaps. Sön proposta dl presidënt dla Provinzia Arno Kompatscher á la Junta autorisé incö (ai 03 de ma) l’Université da Balsan da organisé i cursc de spezialisaziun che gnará organisá dala Facolté de Sciënzes dla Formaziun de Porsenú.
I cursc de formaziun ará n percurs de 60 CFU (credic formatifs universitars), ará na dorada de almanco dodesc mëisc y fajará referimënt a düc i liví d’istruziun (scolines, scores elementars, mesanes y altes). L’organisaziun y le numer de partezipanc gnará inrescí tres n’analisa dles domandes do personal spezialisé tles scolines y tles scores a livel provinzial. „L’obietif prinzipal de chisc cursc de spezialisaziun por les ativités de sostëgn é chël da garantí na preparaziun didatica profescionala dl personal didatich che messará acompagné i mituns cun handicaps tles scolines y tles scores elementares, mesanes y altes dla Provinzia“, á splighé le presidënt Arno Kompatscher.
rc
