Dala Junta: criters nüs por la proteziun di tiers
La Junta provinziala á aprové incö i criters nüs por la conzesciun de contribuc a bëgn dla proteziun di tiers.
Les diretives nöies aproades dala Junta provinziala regolamentëia la conzesciun di contribuc ales organisaziuns de volontariat che laora tl Südtitol y che fej ativités che vá a bëgn dla proteziun di tiers. Atualmënter é chëstes organisaziuns 10. I criters nüs, prezisëia l’assessur Arnold Schuler, „á sciöche regoles prinzipales l’ogetivité y la trasparënza tla presentaziun di cunc y pro la spartiziun di contribuc da assegné. A düc chi che fej domanda ti vëgnel conzedü la medema cuota dl 90 porcënt di cosć reconesciüs.“
I criters nüs scemplifichëia les prozedöres y assigurëia n finanziamënt plü alt dles ativités de proteziun direta di tiers. La Provinzia á preodü n sostëgn de 300mile euro, y implü röiel lapró n finanziamënt por la stotöra de suraverda di tiers dla Sill a Balsan por 250mile euro. Les domandes de contribut mëss gní dades jö al Sorvisc veterinar provinzial cina ai 31 de merz de vigni ann.
rc
