Bus danter Sanciana y Ciadura: inant cina dezëmber
Al jará inant almanco cina ai 10 de dezëmber le sorvisc interregional de coliamënt cun corieres danter Sanciana y la Ciadura.
Le coliamënt ê gnü planifiché avisa dan da n ann sciöche proiet de proa cun n’acordanza danter les provinzies de Balsan y Belun y ne ê nia ma ponsé por ti jí adincuntra ales esigëntes di ghesć y dles porsones che vá sö por munt, mo ince por socodí les tröpes domandes da pert dl monn dl laur, en manira particolara da pert di pendolars che laora ti seturs dl comerz y dl turism.
Te süa ultima sentada á la Junta provinziala insciö tut la dezijiun da proroghé cina ai 10 de dezëmber le sorvisc de coliamënt danter Sanciana y Santo Stefano. L’assessur Florian Mussner firmará la conveziun nöia por le sorvisc de coliamënt danter les döes localités. Sön döta la trata da 66 chilomteri pón viajé cun les chertes, i abonamënc y les condiziuns dl sistem dl trasport publich dla Provinzia de Balsan: chël ó dí che al é poscibl da adoré ince le Südtirol Pass, l’Abo+ y la Mobilcard. La spartiziun di cosć danter les döes Provinzies d Balsan y Belun vëgn fata aladô di chilometri che toma ti teritori provinzai de referimënt (te Südtirol él chësc 42 porcënt).
rc
